U wieder neigt sich ä Wuche mit viune Rennä am Ändi zue…
Ig ha vom Mäntig bis Donnstig vier Rennä gha. Zersch hani im Hoch Ybrig zwöi Rieseslalomrennä gha. Im erstä rennä hani leider nid ganz das chönne abrüefä u zeigä woni cha u ha wöue u ha das Rennä de ufem viertä Platz beändet. Am zweitä Tag hani de wieder mis Bestä gäh u äs isch mir ufgangä. Nachem erstä Louf bini no knapp hinger dr füehrendä ufem 2. Rang gsi u has de dankmä super zweitä Louf no für mi chönne entscheidä. Äs isch ungloublech schön gsi am Schluss vom Tag z’oberst ufem Träppli dörfe z’ stah – schliesslech isches mi erst FIS- Sieg in Europa gsi.
När si mir de grad direkt witer uf Jaun gfahre wo mir de am Mittwuch u Donnstig no zwöi Slalomrennä hei gha. Im erstä Rennä bini sehr solid u locker gfahre u ha mitem 6. Rang mis bestä Punkteresultat chönn erzielä. Am zweitä Tag hani de probiert no meh z pushä u das hetsech glohnt u isch ufgangä. I ha das zweitä Rennä ufemä witerä zweitä Rang beändet u ha grad nomau äs bessers Punkteresultat erzielt. D Formkurve stimmt zurzit sehr guet u i blibe witer dran, gibe Vougas u probierä dä Schwung u die Lockerheit eifach mitznäh.
Hie no äs paar Impressione vo denä rennä u bis gli wieder 🙂
Glg u merci für d ‘Ungerstützig 😀
